“Gjahu kundër Kosovës” [video]

14 Janar 2017 - 23:00      

Rreth 11 mijë civilë shqiptarë e 2 mijë serbë janë vrarë gjatë luftës në Kosovë, e për këto krime, gjykatat në Serbi e Kosovë, kanë dënuar vetëm 52 persona, shumica prej të cilëve shqiptarë.

Në anën tjetër, gjykatat serbe u kanë bërë mburojë urdhërdhënësve të këtyre vrasjeve dhe ata nuk janë ndjekur as nga autoritetet ndërkombëtare që e bëjnë drejtësinë në Kosovë.

Këto dhe shumëçka tjetër, trajtohen në temën e javës në numrin e së dielës në Koha Ditore, “Gjahu kundër Kosovës”.

Mund të lexoni po ashtu shkrimin e kryeredaktorit të Kohës Ditore, Agron Bajrami “Ra ky dialog e u pamë”, që flet për ndalimin e Ramush Haradinajt në Francë dhe për dialogun që nuk po normalizon marrëdhëniet mes Kosovës dhe Serbisë.

Për dialogun dhe Haradinajn, mund të lexoni më gjerësisht edhe në intervistën e juristit Vigan Qorrolli.

I ftohti që aktualisht po mbretëron në vendin tonë, më së miri pasqyrohet në rubrikën reportazh, që flet për Dragashin si komunë e dimrave të ashpër.

Shkolla e agjentëve sekretë dhe qyteti i ndaluar, janë shkrimet që mbushin faqet e Botës.

Te rubrika ‘7 shkronjat’ lexoni rrëfimin e aktores Ilire Vinca, kurse në ‘Fejton’ për Shqipërinë si shtet jetim i Evropës.

Burgu ndërmjet pedanterisë e zhurmës, është shkrimi në rubrikën ‘Kosovarçe’, që flet për jetën në Qendrën Korrektuese në Lipjan.

Lexuesit e Kohës Ditore, këtë të diel mund të lexojnë edhe intervistën e imamit rocker të Turqisë.

Në Monument, mësoni për mullirin e vetëm përballë Tabakhanes, i cili ende bluan dhe mban gjallë të kaluarën.

Lexuesit e sportit mund të lexojnë se si Kosova shihet si sfidën e Grenita Grazhda, e cila do të marrë pjesë në Festivalin Evropian Olimpik Dimëror për të rinj.

Këto, dhe shkrime të tjera nga kinematografia, shkenca dhe moda, mund t’i lexoni në numrin e nesërm të Kohës Ditore. 

© KOHA. Të gjitha të drejtat janë të rezervuara.

“Gjahu kundër Kosovës” by kohanet