Prodhuesit vendorë kërkojnë nga Qeveria të subvencionojë eksportin

14 Janar 2017 - 07:30      

Përfaqësuesit e Klubit të Prodhuesve Vendorë kanë kërkuar nga Qeveria e Kosovës që të formojë një grup ndërministror dhe së bashku me bizneset të trajtojnë çështjen e bilancit negativ tregtar të Kosovës.

Ata kanë kërkuar që për rritje të eksportit të ketë stimulim ose subvencionim nga Qeveria, shkruan sot Koha Ditore.

Gjithashtu kanë kërkuar që Qeveria të nxjerrë ligje dhe rregulla në favor të prodhimeve vendore.

Këto kërkesa ata i kanë paraqitur në një takim që kanë mbajtur të premten me zëvendëskryeministrin Ramiz Kelmendi, me ministrin e Financave, Avdullah Hoti, dhe me ministren e Tregtisë e Industrisë, Hykmete Bajrami.

Kryetari i Klubit të Prodhuesve Vendorë, Astrit Shabani, u ka thënë zyrtarëve qeveritarë se ata duhet të nxjerrin ligje dhe rregulla në favor të prodhimeve vendore. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.