Zvogëlohet numri i familjeve që mbështeten me ndihmë sociale

13 Janar 2017 - 07:10      

Numri i familjeve që Ministria e Punës dhe e Mirëqenies Sociale (MPMS) ka mbështetur me ndihma sociale është zvogëluar për 433 familje në vitin 2016, krahasuar me vitin 2015.

Mesatarisht për një muaj në vitin 2016 me ndihmë sociale janë mbështetur 26 mijë e 264 familje, ndërkohë që në vitin 2015 janë mbështetur 26 mijë e 697 familje, shkruan sot Koha Ditore.

Sipas të dhënave të Ministrisë, në mungesë të plotësimit të kritereve, kërkesa për ndihmë në vitin 2016 iu është refuzuar 11 mijë e 759 familjeve.

Shuma e mjeteve që janë ndarë për ndihma sociale në vitin 2015 ka qenë 25 milionë e 285 mijë e 403 euro, ndërkohë që në vitin 2016 kjo shumë ka qenë 28 milionë e 787 mijë e 275 euro.

Kjo rritje e buxhetit ka ndodhur për shkak se në fund të vitit 2015, Qeveria e Kosovës kishte marrë vendim për rritje të asistencës sociale nga 75 euro, sa kishte qenë deri atëherë, në 95 euro.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.