Makolli premton që procesi për të zhdukurit do të marrë rrugë të drejtë

13 Janar 2017 - 06:59      

Delegacioni kosovar për bisedime rreth çështjes së të zhdukurve pret që shumë shpejt të ketë një takim me delegacionin serb dhe të diskutohet çështja e të zhdukurve, shkruan sot Koha Ditore.

Udhëheqësi i delegacionit për bisedime për çështjen e të zhdukurve, Ibrahim Makolli, ka thënë se do të ndërmarrin të gjitha masat që procesi të marrë rrugë të drejtë dhe përfundimisht familjarët të jenë të njoftuar për fatin e të afërmve të tyre.

“Do të bëjmë të gjitha përpjekjet në mënyrë që procesi të marrë kah dhe drejtim që do të rezultojë me zbulimin e fatit të këtyre personave, ku për fat të keq janë edhe mbi 1.600 të zhdukur. Këtë vit ne do t’i ndërmarrim të gjitha veprimet e nevojshme jo vetëm në raport me nevojat e brendshme, por do të kemi edhe një koordinim me të gjithë akterët në mënyrë që procesi të marrë rrugë të drejtë dhe përfundimisht familjarët të njoftohen me fatin e të afërme të tyre”, ka deklaruar ai për gazetën.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.