Kacafytje e britma në gjykimin e vrasjes mizore të vitit 2009

13 Janar 2017 - 07:32      

“O ma kanë vra vëllain, ia kanë djegë edhe kufomën, a po kuptoni”, “le t`vijnë le ta shohin nanën tem n`shpi në çfarë gjendje është prej kur e kanë vra”..., kështu bërtisnin të enjten nëpër korridor të Gjykatës Themelore të Prishtinës motrat e të ndjerit, Naim Hajrizi, i cili ishte vrarë brutalisht në vitin 2009 në Lipjan.

Familjarët e viktimës janë kacafytur brenda në seancë me familjarët e dy të akuzuarve, Gëzim Ratkoceri e Osman Spahiu, shkruan sot Koha Ditore.

Incidentin nuk ka arritur ta parandalojë as policia, e cila ishte prezent qysh në fillim të gjykimit. Situata është qetësuar vetëm pasi kanë arritur pjesëtarët shtesë të policisë.

Është dashur të thirrej edhe ndihma e shpejtë, pas alivanosjes së njërës prej motrave të të ndjerit.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.