“Specialja u krijua për shkak të njerëzve që i kemi në pushtet”

12 Janar 2017 - 22:41      

Udhëheqësit e Kosovës janë shkak i krijimit të Gjykatës Speciale ndonëse shteti drejtohet nga njerëz të kriminalizuar.

Kështu u shpreh opinionisti Imer Mushkolaj në Rubikon të KTV-së.

“Shtetin e udhëheqin njerëzit e kriminalizuar. Gjykata Speciale është krijuar pikërisht për shkak të këtyre njerëzve që janë në pushtet”, ka thënë ai.

E në anën tjetër të tij, opinionisti Mufail Limani e kundërshtoi fuqishëm.

Ai theksoi se nuk mund të pranojë që Kosova është vend i kriminalizuar.

"Nuk e pranoj që shteti Kosovës nuk e meriton me ekzistu..., nuk e pranoj faktin që krejt udhëheqësit e Kosovës, këta ku u përfshin të gjithë prej Rambujesë e këndej që nuk kanë bërë gjëra të mrekullueshme për këtë vend, nuk e pranoj akuzën që të gjithë janë të kriminalizuar", ka thënë ai.

Tutje Mushkolaj i drejtohet se kriminalizimin po e sheh ashtu siç do.
"Përgjimet që i kemi dëgjuar është krim për mu kur t’i i punëson njerëzit e tu, njerëz me libreza partiake të paaftë dhe i lë jashtë njerëzit që e meritojnë", ka thënë Mushkolaj.

© KOHA. Të gjitha të drejtat janë të rezervuara.