“Shqipëria po përzihet në punë të brendshme të Serbisë”

12 Janar 2017 - 12:19      

Serbia ka reaguar ndaj letrës që Qeveria e Shqipërisë i ka dërguar Interpolit, ku kërkon që ky institucion të tërheq urdhër-arrestin ndaj Ramush Haradinajt.

“Ndërhyrje në sovranitetin e Serbisë”, e ka quajtur këtë ministri i brendshëm, Nebojsha Stefanoviq kërkesën e Shqipërisë, transmeton KTV.

Ai i është drejtuar gjithashtu me një letër Sekretarit të Përgjithshëm të Interpolit, Jurgen Stock.

“Kërkesa e Tahirit është e papranueshme dhe është ndërhyrje në sovranitetin e shtetit të Serbisë, që është anëtare e plotë e Interpolit”, ka shkruar Stefanoviq.

Ai ka shtuar se Serbia i ka bërë të qartë edhe më parë të gjitha faktet ligjore dhe aspektet e sigurisë të shqyrtimit eventual të pranimit të Kosovës në Interpol.

© KOHA. Të gjitha të drejtat janë të rezervuara.