Çfarë ndodhi me figurat e vjetra të AKR-së?

11 Janar 2017 - 20:20      

Struktura e re e Aleancës Kosova e Re do të jetë me njerëz të rinj të cilët kanë vullnet për punë.

Rendi i parë nuk do të jetë më rendi klasik, thotë Presidenti i këtij subjekti, Behgjet Pacolli.

Ai për Rubikon të KTV-së theksoi se këta emra nuk i qëndruan partisë në kohën kur kishte nevojë dhe tashmë dyert e AKR-së janë mbyllur për ta.

“Rendin e parë nuk do ta shihni atë rendin klasik sepse ata njerëz nuk janë më aty. Sigurisht kjo që ndodhi, që ata njerëz nuk janë, partia nuk hyri në parlamentin e Kosovës e konsideroj si anija që filloj të fundoset dhe ata ikën. Dyert u mbyllën për ta sepse ata është dashur që të qëndrojnë e të kontribuojnë për partinë”, ka thënë ai.

Pacolli theksoi se secili prej figurave të partisë ka bërë fushatë pa asnjë mjet vetjak.

Qasja ime liberale dhe fakti që nuk është njeri i dhunës ka bërë që të ndodh largimi i atyre personave nga partia, thotë Pacolli. 

© KOHA. Të gjitha të drejtat janë të rezervuara.