Serbia thotë të ketë “prova të reja” kundër Haradinajt

11 Janar 2017 - 13:17      

Prokuroria për krime lufte e Serbisë ka dhënë urdhër për zgjerim të hetimeve kundër liderit të AAK-së Ramush Haradinaj, i cili është arrestuar në Francë më 4 janar.

Agjencia e lajmeve e Serbisë tanjug raporton se Prokuroria ka dhënë urdhër Ministrisë së Drejtësisë për zgjerim të hetimeve për Haradinajn.

Urdhri për zgjerim të hetimeve deri në fund të kësaj jave do të përkthehet dhe do t’i dërgohet Francës bashkë me kërkesën për ekstradim të Haradinajt në Serbi.

Urdhri për zgjerim të hetimeve, sipas mediave serbe, ka të bëjë me veprat penale të cilat nuk janë të përfshira në këtë hetim kundër Haradinajt që nga viti 2004.

Serbia e ngarkon Haradinajn për veprat penale që nuk janë përfshirë në aktakuzën e Tribunalit të Hagës nga e cila ishte liruar i pafajshëm. 

© KOHA