“Kur nuk ka konsensus ndërshqiptar, Lista Serbe gjithmonë do të nxjerrë probleme”

10 Janar 2017 - 23:58      

Arben Gashi, deputet i LDK-së, ka deklaruar se Lista Serbe, që është pjesë e koalicionit qeverisës, përherë do të nxjerrë probleme në Kuvend, derisa të mos ketë konsensus mes partive shqiptare.

Duke u lidhur me çështjen e Demarkacionit, për të cilin propozim për të kaluar duhet 2/3 e votave në Kuvend, Gashi ka thënë se pozita do ta ketë shumë të vështirë t’ia dalë pa konsensus me partitë tjera shqiptare. Ai këtë e ka lidhur me pezullimin e aktiviteteve në Qeverinë e Kosovës nga Lista Serbe.

“Demarkacioni është një prej çështjeve që i duhen 2/3 e votave. Është vështirë sepse ka shumë deputetë të pozitës kundër. 2/3 është më shumë se partitë në pushtet. Pa u arrit konsensus brendashqiptar do të ketë përherë probleme nga Lista Serbe, me kushtëzime të reja”, ka deklaruar Gashi në Interaktiv të KTV-së.

© KOHA. Të gjitha të drejtat janë të rezervuara.