Kosova dhe Shqipëria duhet t’i bashkojnë forcat

10 Janar 2017 - 21:03      

Njohja për Kosovën në shumë vende të largëta ka ngelur në kontekstin e luftës.

Ambasadori i Kosovës në Austri, Sami Ukelli foli për eksperiencat e tij, fillimisht në Japoni për të vazhduar me atë në Vjenë.
“Sa më larg që jemi, njohuritë për Kosovën janë më të vogla. Nuk është se nuk e njohin por e kanë njohur me një kontekst tjetër, atë të luftës, por gradualisht këto gjëra fillojnë e ndryshojnë”, ka thënë ai në KTV për “Rubikon” .

Ai përmend rastin kur fillimisht shkoi në Japoni dhe pikë reference ishte vetëm ambasada shqiptare atje, përderisa thotë se në Evropë është më lehtë pasi ekziston komuniteti shqiptarë atje.
“Austria ka qenë një kontribues i madh i vetë krijimit të shtetin shqiptarë në atë kohë, shteti që ndër të parët ka marrë shqiptarët për të studiuar”, ka thënë Ukelli.

Anëtarësimi i Shqipërisë në BE sipas Ukellit është moment i rëndësishëm edhe për Kosovën pasi atëherë do të ketë një zë shqiptarë përfaqësues në BE.
“Ne i gëzohemi ditës kur Shqipëria bëhet pjesë e BE-së pasi do kemi një zë shqiptarë në Bashkimin Evropian dhe në këtë kontekst duhet parë gjërat”, ka thënë ai.
Ukelli thotë se Kosovë e Shqipëri duhet t’i bashkojnë forcat e tyre.

© KOHA. Të gjitha të drejtat janë të rezervuara.