Cilat janë dy sfidat e Kosovës sipas Stavilecit?

10 Janar 2017 - 20:25      

Kosova përballet me dy sfida karshi raportit dhe fuqisë rajonale. Ministri i Zhvillimit Ekonomik, Blerand Stavileci thotë se e para është sfidë e brendshme e shqiptarëve karshi të tjerëve.

Ai në Rubikon të KTV-së foli për një zhvillim të mirë të vendit në vitet e fundit në të gjitha fushat.

“Sfida jonë e parë e brendshme shqiptare karshi të tjerëve dhe e dyta që si rajon të jemi të mirë përfaqësuar e sidomos tash së fundmi ku shohim një zhvillim më të mirë. Tash kemi një ndezje të reflektorëve në disa prej shteteve të Evropës ku shohim se është krijuar një pasiguri dhe në anën tjetër proceset janë në vazhdimësi”, ka thënë Stavileci.

Sipas tij, forumet e shumta janë çelësi i një diplomacie dhe politike të jashtme.
“Natyrisht që zhvillimet e brendshme janë refleksion në politikën e jashtme dhe në diplomaci, mendoj që forumet shumta në vitet e fundit e veçanërisht procesi i Berlinit i nisur në vitin 2014 në fushën e transportit dhe energjisë”, ka thënë ai.
Ai thotë se ka interesi për financimin e projekteve kosovare është i pafund dhe në këtë drejtim nuk duhet ndalur.

© KOHA. Të gjitha të drejtat janë të rezervuara.