Hyseni bisedon për çështjen e sigurisë me zyrtaren amerikane

10 Janar 2017 - 15:23      

Ministri i Punëve të Brendshme, Skender Hyseni priti në takim zëvendës-shefen e Misionit të Shteteve të Bashkuara të Amerikës në Kosovë, Colleen Hyland, me të cilën diskutoi për gjendjen e përgjithshme të sigurisë në Kosovë.

Në këtë takim, Hyseni e njoftoi Hylandin për punën që po bëjnë institucionet e sigurisë së Kosovë dhe për planin e punës të MPB-së për këtë vit.

Me këtë rast, ministri falënderoi zëvendës-shefen amerikane për ndihmën e vazhdueshme që kanë dhënë dhe po japin SHBA-të për institucionet e Kosovës.

Ndërsa, sipas njoftimit të MPB-së, zëvendës-shefja e Misionit të Shteteve të Bashkuara në Kosovë, Colleen Hyland, vlerësoi të arriturat e MPB-së dhe institucioneve të sigurisë. Ajo, sipas kësaj komunikate, vuri në dukje se SHBA-të do të vazhdojnë të përkrahin edhe në të ardhëm projektet e institucioneve të sigurisë së Kosovës. 

© KOHA. Të gjitha të drejtat janë të rezervuara.