Arteriet e mbyllura të shëndetësisë

9 Janar 2017 - 07:33      

“Paska shku muti të EDA” dhe “Krejt budallë ish muti”, janë dy mesazhe telefonike mes dy kardiologëve.

“Muti” - terminologji e re e mjekëve për pacientë - në këtë rast është një 78-vjeçar, i cili në vitin 2014 në mesnatë ishte dërguar në QKUK, në gjendje të rëndë shëndetësore e ekonomike, i cili gjatë betejës me zemrën ishte trajtuar si jashtëqitje nga ata që paguhen për të shpëtuar jetë.

Mijëra pacientë - të cilëve mjekët e akuzuar në rastin “Stenta” u referohen si “fakira”, “budallë” e “muta” - prej vitit 2011 kanë kaluar përmes repartit invaziv të Klinikës së Kardiologjisë në QKUK. Shumë prej këtyre pacientëve këtë vit deponuan dëshmitë në Prokurorinë e Shtetit për trajtimin e tyre çnjerëzor.

Si pasojë, 65 persona u akuzuan për ryshfet, keqpërdorim të detyrës zyrtare e trajtim të pandërgjegjshëm profesional.

Krimi pretendohet se ka nisur nga koka. Ish-ministri i Shëndetësisë, Ferid Agani, një person i njohur për qëndrimet e tij moralizuese, është pjesë e aktakuzës. (Detajet mund t’i gjeni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.