OSHP-ja kërkon hetime për tenderin e KEK-ut, KEK-u thotë se zbatoi vendimet e OSHP-së

9 Janar 2017 - 07:11      

Organi Shqyrtues i Prokurimit (OSHP) ka ngritur dyshime se Korporata Energjetike e Kosovës i ka dhënë tenderin për “Furnizim me gëlqere të hidratizuar”, një kompanie pa ia verifikuar validitetin e certifikatës ISO.

Për këtë arsye OSHP-ja ka paralajmëruar se do të dërgojë kërkesë për hetime lidhur me këtë procedurë në Departamentin për hetimin e krimit dhe korrupsionit në Polici të Kosovë, shkruan sot Koha Ditore.

Paneli shqyrtues i këtij Organi ka anuluar këtë tender dhe ka konstatuar se KEK-u, edhe pse ata me vendimet e mëparshme kishin urdhëruar ta verifikonte validitetin e certifikatës ISO të operatorit ekonomik TC, që i ishte dhënë kontrata, nuk kishte arritur ta bënte një gjë të tillë dhe i kishte dhënë tenderin pa marrë verifikimin për këtë certifikatë.

KEK-u ka mohuar një gjë të tillë, duke thënë se me dhënien e tenderit kompanisë TTC, “kanë zbatuar vetëm vendimet e OSHP-së”.

Ky është vendimi i tretë që OSHP-ja e ka marrë për këtë procedurë. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.