Nitaj kujton një takim “sekret” të Thaçit, i thotë “bëhu burrë e trego pse e ke kompleks Haradinajn”

8 Janar 2017 - 21:57      

I menjëhershëm ka qenë reagimi i Muharrem Nitajt, zëdhënësit e anëtarit të Kryesisë së Aleancës për Ardhmërinë e Kosovës, pas deklaratës së presidentit Hashtim Thaçi, që nga Shtetet e Bashkuara të Amerikës tha se askush nga Kosova nuk është i ftuar zyrtarisht në inaugurimin e presidentit Donald Trump e se po ndjen e kupton situatën në të cilën e ka vënë Ramush Haradinajn arresti me urdhër të Serbisë.

Ky është statusi i plotë i Nitajt:

Ka vite që e njoh Hashim Thaçin. E pata takuar një herë në vitin 1999 në Londër, në një vizitë “sekrete” të tij! Mbaj mend të më pat thënë “do të ishte mirë sikur BBC të mos i transmetonte deklaratat e Komandantëve të Zonave të UÇK-së, psh Ramush Haradinajn”.

I habitur, i pata thënë “po ata po e bëjnë luftën, e posaçërisht Ramushi”! Biseda vazhdoj tutje, por e mbaj mend që unë pata dalë i tmerruar pa e kuptuar “ç’kishte ai njeri”!

Jo shumë kohë më vonë e pata kuptuar se çka e mundonte Hashim Thaçin.

Shokët dhe bashkëpunëtorët e tij, ata më të afërmit, thonë se ai është dinak e i pabesë, interesaxhi e idhnak, hakmarrës... dhe po mundi, të shkel me këmbë për interesin e tij!

Në këtë logjikë e shoh deklarimin e tij për vizitën në Amerikë, për biletat 500 dollarëshe dhe për impenjimin e tij për kthimin e Ramush Haradinajt në Kosovë!

Mos ban hajgare Hashim! Më shumë po bën estrada për kthimin e Haradinajt, se sa ti e Qeveria jote!

Behu njëherë burrë e trego se pse kompleksi i yt i pashërueshëm është Ramush Haradinaj!

© KOHA. Të gjitha të drejtat janë të rezervuara.