MeD iu rekomandon mërgimtarëve që të shfrytëzojnë edhe pikat e tjera kufitare

5 Janar 2017 - 13:45      

Ministria e Diasporës përmes një komunikate për media iu rekomanduar mërgimtarëve që të shfrytozojnë edhe pikat e tjera kufitarë, përveç Merdares dhe Dheut të Bardhë.

KTV sot ka raportuar për kolona të gjata të mergimtarëve në Merdare.

“Duke qenë se tani është periudha kur i keni përfunduar pushimet dhe largoheni masivisht nga vendlindja, kalimi kufitar përbën një sfidë të veçantë për ju. Një prej arsyeve për shkaktimin e këtyre radhëve të gjata është edhe përqendrimi kryesisht në dy pikëkalime kufitare: Merdar dhe Dheu i Bardhë”, thuhet në komunikatë.

Kolona të gjata të mërgimtarëve në Merdar

Institucionet e Republikës së Kosovës janë duke punuar vazhdimisht që të ndikojnë te pala serbe për aplikimin e procedurave lehtësuese në kufi, thotë MeD.
Gjithashtu, në mënyrë që t’u shmangeni pritjeve në radhë të gjata, Ministria e Diasporës iu rekomandon fuqishëm që të zgjidhni edhe pika të tjera për kalimin kufitar, përkatësisht ta përcillni gjendjen nëpër këto pikëkalime përmes tabelës së publikuar në faqen e Ministrisë së Punëve të Brendshme nga Qendra Kombëtare për Menaxhim Kufitar, të cilën mund ta gjeni KËTU.

© KOHA. Të gjitha të drejtat janë të rezervuara.