Lekaj Drecunit: “Kriminelë jeni ju, trashëgimtarët politikë të Milosheviqit”

5 Janar 2017 - 13:31      

Kryetari i Grupit Parlamentar të Aleancës për Ardhmërinë e Kosovës, Pal Lekja ka reaguar ndaj deklaratës së Milorad Drecunit, kryetar i Këshillit për Kosovën në Kuvendin e Serbisë, i cli Ramush Hradinajn e ka quajtur “kriminelin më të madh të luftës në Kosovë”, transmeton Koha.net.

Lekaj ka thënë:

Se kush është kriminel dhe kanibalë i fundshekullit XX e fillim shekullit XXI e dinë bota mbarë. Të gjithë ju pinjollët që jeni në qeverisje të Serbisë sot, si trashëgimtarë të etërve tuaj ideologjik (kriminal) dje.
Ju në Qeverinë e Serbisë jeni të gjithë e të vërtetë të atillë çfarë tentoni t'i portretizoni të tjerët, kriminel e gjenocidial.

Për juve Dreun të gjithë shqiptarët janë "kriminel", sepse nuk pranuan t'i nënshtrohen represionit të Serbisë suaj shoviniste.
Pra me një fjalë, krimin e shkaktuan familja juaj politike, ideologjike dhe shtetërore kriminale dje, e më ju ardh rasti njëjtë veproni edhe sot.

© KOHA. Të gjitha të drejtat janë të rezervuara.