Nitaj: Fletarresti për Haradinajn, si i Milosheviqit për liderët botërorë më 1999

5 Janar 2017 - 12:37      

Anëtari i Kryesisë së AAK-së dhe njëherësh zëdhënësi i saj, Muharrem Nitaj ka reaguar për arrestimin e Ramush Hardinaj, trasneton Koha.net.

Ai, fletarrestin për Haradinajn e ka krahasuar me fletarrestimet e Millosheviqit për arrestimin e liderëve botërorë më 1999.

Niktaj ka shkruar:
Autoritetet franceze e kanë ndaluar ish - kryeministrin e vendit, liderin kryesor të Opozitës në Kosovë dhe njërin prej komandantëve kryesor të luftës. E gjithë kjo është bërë në bazë të një fletarresti të Serbisë me akuzat më monstruze, për të cilat ish -kryeministri Haradinaj, dy herë është shpallur i pafajshëm prej të gjitha akuzave, nga instanca më e lartë e drejtësisë nderkombëtare, një fletarresti të ngjshëm me të cilin kërkohej arrestimi edhe i liderëve kryesorë botëror në vitin 1999!
Autoritetet franceze e dinë këtë fakt dhe heqja e kësaj barre pēr Zotin Haradinaj është çështje orësh, por kjo çka ka ndodhur me zotin Haradinaj, është alarm i mosfunksionimit të Shtetit të Kosovës edhe në arenën ndërkombëtare.

Zoti Haradinaj ka udhëtuar edhe më parë, disa herë gjatë muajve të fundit, në shtete të ndryshme, duke përfshirë edhe Francën dhe nuk është ndaluar! Ndalesa e tij kësaj radhe, edhe pse nuk do të prodhojë asnjë efekt juridik, ajo në rastin më të mirë, është e pajustifikueshme, e pakuptimtë dhe e çuditshme.

© KOHA. Të gjitha të drejtat janë të rezervuara.