Ligji për sigurime shëndetësore do të pësojë ndryshime [video]

4 Janar 2017 - 20:46      

Ligji i miratuar prej vitesh, ai për sigurime shëndetësore, assesi të fillojë të zbatohet, përkundër paralajmërimeve të qeveritarëve se do të nisë këtë muaj. Madje, ai pritet të ndryshohet.

Fjala e përfaqësueseve të bizneseve, të cilët u ankuan edhe për shifrën e përcaktuar prej 7 për qind, kishte peshë te kryeministri Isa Mustafa, i cili kërkoi ndër të tjera, që e njëjta të rishikohet, raporton KTV.

Por, Ministria e Shëndetësisë ende nuk ka marrë iniciativë për këtë kërkesë. Ministri Imet Rrahmani i ka thënë Kohavisionit se pas kalimit të koncept-dokumentit për plotësim ndryshimin e Ligjit, në qeveri duhet të formohet grupi punues dhe me prioritet të propozohen ndryshimet që do të krijojnë bazën ligjore për disa procese.

Megjithatë, Rrahmani thotë se Ligji nuk ka nevojë të pësojë ndryshime thelbësore, sepse sipas tij, ka rrezik që të dëmtohet procesi dhe të ketë kthim mbrapa. 

© KOHA. Të gjitha të drejtat janë të rezervuara.

Ligji për sigurime shëndetësore do të pësojë... by kohanet