Aparatura e brahiterapisë vazhdon të mbetet jashtë funksionit [video]

3 Janar 2017 - 21:50      

Zvarritjet e punëve për të përgatitur hapësirat ku do të vendoset aparatura e blerë prej vitesh, që trajton kancerin e qafës së mitrës, ka lënë Institutin e Onkologjisë pa shërbimin e brahiterapisë.

Kësisoj, pacientet me probleme të tilla për këtë shërbim është dashur të paguajnë vetë në institucionet private apo edhe jashtë shtetit. Por, për harxhimet e qytetarëve, zyrtarët nuk marrin përgjegjësi, raporton KTV.

Thonë se nuk arritën të kryejnë intervenimet e nevojshme për të akomoduar aparaturën në mungesë të kompanive të interesuara.

Përpjekjet e vazhdueshme që Gjocaj thotë t’i kenë bërë gjatë vitit 2016, pritet të rezultojnë muajt e ardhshëm.

Megjithatë, drejtues të Institutit Onkologjik, nuk kanë një përgjigje konkrete se kur do të nisë ky shërbim.

Brahiterapia që trajton pacientet e prekura nga kanceri i qafës së mitrës kryen rrezatimet në mënyrë të sofistikuar, duke kursyer qelizat e shëndosha dhe rrezatuar maksimalisht tumoret.

Për të njëjtën, Instituti i Mjekësisë së Punës kishte rekomanduar të kryhen disa intervenime për të rritur sigurinë ndaj mbrojtjes nga rrezatimi gjatë brahiterapisë.  

© KOHA. Të gjitha të drejtat janë të rezervuara.

Aparatura e brahiterapisë vazhdon të mbetet... by kohanet