17 vjet jetesë në ankth

2 Janar 2017 - 18:33      

Edhe pse kanë kaluar më shumë se 17 vjet që nga fundi i luftës në Kosovë, shumë familjarë po vazhdojnë jetën në ankth pa ditur një lajm të vetëm për më të dashurit e tyre. Për 1660 persona të zhdukur që nga lufta e fundit në Kosovë aktualisht nuk ka asnjë informacion.

Shahe Lutolli, 73-vjeçare, nga Llapashtica e Podujevës, ende nuk di asgjë për fatin e bashkëshortit të saj, Raif Lutolli.

Ndonëse thotë se nuk kanë lënë derë pa trokitur për të marrë vesh ndonjë informacion për të, deri tash thotë se kanë mbetur në pritje të ndonjë lajmi, shkruan Koha Ditore.

Të freskët e ka kujtimin se si më 28 mars të vitit 1999 policia serbe ia ndanë burrin dhe djalin në një shtëpi ku ishin duke qëndruar, 100 metra larg Stacionit të policisë në Podujevë.

“Ishim në shtëpi të vëllait në Podujevë kur serbët hynë brenda i morën ata dy e i nxorën jashtë, dhe u kthyen edhe dy herë tjera për të kërkuar meshkuj të tjerë, por kur u thamë se s’ka të tjerë u larguan. Pasi na i morën ata dy, ne gratë e fëmijët u larguam në mbrëmje dhe shkuam në një shtëpi tjetër, sepse kishim frikë të qëndronim aty”, tregon ajo. (Artikullin e plotë mund ta lexoni në numrin festiv të Kohës Ditore, që mbetet në treg deri të martën më 3 janar)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.