Shenjtorja shqiptare

1 Janar 2017 - 22:21      

Shtëpia Përkujtimore e Nënë Terezës në Shkup është në mesin e katër institucioneve të trashëgimisë shpirtërore e materiale që u rekomandohet të gjithë turistëve ta vizitojnë posa të shkelin në territorin e Maqedonisë.

Rekomandimi dërgohet me automatizëm si mesazh posa të huajt të lidhen me rrjetin lokal të telefonisë celulare, shkruan sot Koha Ditore.

Shtëpia Përkujtimore e shenjtores shqiptare në rrugën “Maqedonia” në Shkup është vizituar më 21 dhjetor nga dhjetëra filloristë maqedonas. Mësimdhënësit që i shoqërojnë nuk dëshirojnë të flasin teksa lëshohen shkallëve të jashtme të shtëpisë. Shumë debate e kundërthënie ishin ngritur para se shtëpia të hapte dyert për vizitorë më 2009.

Kundërthënie ka edhe tani për pamjen e objektit dhe për mënyrën se si aty paraqitet jeta e Nënë Terezës. Aty nuk u lind e u rrit nobelistja shqiptare. Politika maqedonase ia zhvendosi për së vdekuri themelet.

Debati i nxehtë që ngjallet sa herë shënohet ndonjë përvjetor për humanisten nga Shkupi, e “detyron” një udhërrëfyes maqedonas të mos flasë teksa i shoqëron dy turiste aziatike drejt Shtëpisë Përkujtimore. (Artikullin e plotë mund ta lexoni në numrin festiv të Kohës Ditore, që mbetet në treg deri të martën më 3 janar)

© KOHA. Të gjitha të drejtat janë të rezervuara.