AGK-ja reagon ndaj gjuhës fyese të Lamës kundër KTV-së

31 Dhjetor 2016 - 16:59      

Asociacioni i Gazetarëve të Kosovës e ka dënuar gjuhën fyese të përdorur nga ambasadorja e Kosovës në Itali Alma Lama, e cila në një postim të saj në rrjetin social “Facebook” ka fyer dhe akuzuar gazetarin Xhemajl Rexhën dhe KTV-në.

AGK-ja ka reaguar se “Përdorimi i një gjuhe të tillë nga një ambasadore është fyerje për gazetarët në vend”.

“Duke dënuar këtë veprim njëherësh kërkojmë nga Ministria e Punëve të Jashtme që të deklarohet në lidhje me këtë rast. Ne kërkojmë nga MPJ që të mos lejojë ambasadorët që t’i fyejnë gazetarët në asnjë rast”, thuhet në reagimin e AGK-së.

“Për më keq këto akuza të ulëta vijnë nga një ish-gazetare që vetëm para pak kohësh ka filluar të merret me politikë”.

© KOHA. Të gjitha të drejtat janë të rezervuara.