Ahmeti: Rama ka ndihmuar për takimin e liderëve shqiptarë

30 Dhjetor 2016 - 23:22      

Lideri i BDI-së, Ali Ahmeti ka folur për takimet që janë zhvilluar ditëve të fundit nga liderët politik shqiptar, të iniciuara nga Ali Ahmeti dhe Edi Rama.

“Në radhë të parë kjo është nevojë për shqiptarët në Maqedoni. Partitë politike kanë bërë shumë më herët takime më kryeministrin Edi Rama. Sigurisht ka biseduar edhe me mua, dhe më ka kërkuar nga unë të thërras partitë politikë në një takim të përbashkët për ti dëgjuar se cilat janë kërkesat e tyre. Unë e kam bërë këtë përpjekjese, gjithashtu ka edhe kërkesë edhe nga autoriteteve e Kosovës, dhe partive politike opozitare, unë poashtu kam bërë edhe një takim me Lëvizjen Vetëvendosje në drejtim të inkurajimit për t’i harmonizuar qëndrimet lidhur me avancimin e çështjes shqiptare”, theksoi Ali Ahmeti në RTV21.

Ai më tej tha se as Shqipëria e as Kosova nuk janë ata që hartojnë e diktojnë politikat për shqiptarët e Maqedonisë.

“Ne kemi programet tona, qëllimet tona, por çdo lehtësim që mund të vjen prej bashkëmendimtarëve është i mirëseardhur, po ashtu edhe miqtë tanë ndërkombëtarë”, theksoi Ali Ahmeti.