Lekaj thotë se mazhoranca në Ditën e Veteranëve i ndau e i përçau me Ligjin e Plotësuar

30 Dhjetor 2016 - 22:34      

Miratimi i Ligjit për Plotësim të Ligjit të Veteranëve ka nxitur reagimin e Grupit Parlamentar të AAK-së. Kryetari i këtij grupi ka thënë se në këto orë të vona kur duhej të uronin për unitet dhe bashkim të faktorit politik e ushtarak të ish-UÇK-së, u bë e kundërta.

“Sonte, mazhoranca politike-qeverisëse ka bërë dëmin më të madh ndaj luftës së UÇK-së, në Ditën e Veteranëve e bënë edhe një ndarje dhe përçarje të tyre. Krejt kjo në kundërshtim me parimet e demokracisë duke bërë presion në deputetët e Kuvendit, sepse edhe nga katër herë është përsëritë votimi për të njëjtin propozim”, thotë Lekaj, transmeton Koha.net..

LEXO ÇKA MIRATOI KUVENDI

Kryeministri i Kosovës, sipas Lekajt është i gatshëm të përbuzë vlerat e luftës së UÇK-së.

“Por kur është në pyetje muri ndarës dhe dialogu me Serbinë është po aq në gjendje që të bëjë ‘aminin’ e të pranojë çka do qoftë, vetëm që të jetë rahat në pushtetin e tij izoluese për Kosovën. Sot e keni dënuar çdo luftëtarë i cili edhe ashtu, ka qenë buzë greminës, sepse ka marrë lëmoshë nga kjo qeveri. Në fund të vitit ua dërguat një ‘dhuratë’ që i dënon që i ndanë e që e defaktorizon luftën Çlirimtare dhe i bie në shprehje sundimtarët nga ish sistemi”, përfundoi Lekaj.

© KOHA. Të gjitha të drejtat janë të rezervuara.