Rama ia këputë shpresat Nishanit për t’u rizgjedhur president

30 Dhjetor 2016 - 17:11      

Kohë të humbur e quan kryeministri Edi Rama ambicien e shprehur publikisht nga presidenti Bujar Nishani për të rikandiduar për postin e kreut të shtetit.

Rama tha se Presidenti i ri do zgjidhet nga mazhoranca, duke shuar kështu ëndrrën e Nishanit për një mandat të dytë si President, përcjell shqiptarja.

“Unë e di që zgjedhja e presidentit këtu nuk është si në Amerikë. Në Amerikë kandidatët shprehin ambicie për të kandiduar apo rikandiduar. Këtu procedura është me ftesë. Grupet i dërgojnë ftesa individëve për të kandiduar dhe pastaj zgjidhet presidenti”, ka thënë Rama, transmeton koha.net. “Shpallja e ambicies është kohë e humbur. Ne jemi Republikë Parlamentare dhe për Presidentin e ri do ta vendosë Aleanca për Shqipërinë Europiane. Jemi në vitin 2016. Emri i Presidentit të ri i takon vitit të ri në 2017­n. Ju siguroj, jo se jemi keq për një emër, por do të kemi mundësi të diskutojmë me koalicionin dhe do të kemi atë që quhet vështirësia për të zgjedhur”, ka shtuar më pas kryeministri shqiptar.

© KOHA. Të gjitha të drejtat janë të rezervuara.