As riparohet koronorografi i vjetër, as sillet i riu [video]

29 Dhjetor 2016 - 19:30      

Përveç që nuk u riparua koronarografi i vjetër, Ministria e Shëndetësisë nuk do të sjellë të riun, i cili parashihej me projektin për modernizim të Kardiologjisë, raporton KTV.

Premtimet e tij, ministri i Shëndetësisë mbeti pa i realizuar, por krejt përgjegjësinë nuk e merr për vete. Imet Rrahmani thotë se u vonuan procedurat për rinovimin e hapësirave.
Mosrealizimin e zotimeve të Rrahmanit po e kritikojnë deputetë të pushtetit dhe opozitës.

Thonë se për shkak të neglizhencës së institucioneve, po pësojnë qytetarët.
Ministria e Shëndetësisë ka shpenzuar mijëra euro, të cilat kanë përfunduar në llogari të spitaleve private brenda dhe jashtë shtetit, për shkak se sistemi publik nuk arrin të ofrojë shërbimet e nevojshme.

Edhe projekti që pritej të ngritë kapacitetet e klinikës ku trajtohen sëmundjet e zemrës nuk u finalizua brenda vitit, pikërisht për shkak të dilemave që kishin deputetët rreth vlerës së shtuar prej 500 mijë eurosh, e cila nuk mori dritën jeshile, për shkak se Ministria nuk arriti ta arsyetojë atë.

As riparohet koronorografi i vjetër, as sillet... by kohanet

© KOHA. Të gjitha të drejtat janë të rezervuara.