Raport i KTV-së për betimin e kryetarit të Drenasit [video]

29 Dhjetor 2016 - 19:21      

Kryetari i ri i Drenasit, Ramiz Lladrovci, e ka bërë betimin para asamblistëve komunalë, pasi ai e fitoi garën për kryetar të kësaj komune.

Përveç asamblistëve, të pranishëm në ceremoni ishin edhe familjarët e tij dhe qytetarë të shumtë të Drenasit.
Para tyre, Lladrovci është zotuar se do t’i përmbushë premtimet e bëra gjatë fushatës zgjedhore.

Lladrovci ka thënë se është i bindur se e pret shumë punë për të përmirësuar jetën e qytetarëve. Deri dje kundërshtarët e tij për postin e të parit të komunës kanë thënë se do ta përkrahin kryetarin Lladrovci në mandatin e tij.

Pas ceremonisë, Lladrovci me bashkëpunëtorë ka zhvilluar edhe aktivitete të tjera.
Lladrovci u zgjodh kryetar i Drenasit tek në rundin e dytë të zgjedhjeve, duke mposhtur në balotazh Isa Xhemajlajn nga Nisma për Kosovën dhe do të jetë në krye të komunës vetëm deri në vjeshtën e vitit të ardhshëm.

Raport i KTV-së për betimin e kryetarit të... by kohanet

© KOHA. Të gjitha të drejtat janë të rezervuara.