Partia e Ivanoviqit s'pranon problemet e Qeverisë së Kosovës si arsye për moskrijimin e Asociacionit

29 Dhjetor 2016 - 14:07      

Iniciativa qytetare “Serbia, demokracia, drejtësia” e Oliver Ivanoviqit është shprehur e gëzuar dhe ka përshëndetur angazhimin e Zyrës për Kosovë në Qeverinë e Serbisë nismën për të ngrirë pjesëmarrjen në institucione të Kosovës deri në formimin e Asociacionit të Komunave me shumicë serbe.

SDP konsideron që Qeveria e Kosovës po e pengon formimin e Asociacionit të Komunave me shumicë serbe në Kosovë edhe pse kjo ka qenë pjesë e marrëveshjes së parë, transmeton Koha.net.

“Qeveria e Kosovës ka problem të dukshme në funksionalitet, por kjo nuk duhet të jetë arsye për mospërfundim të marrëveshjes”, ka shtuar SDP.

Anëtarët e partisë së Oliver Ivanoviqit, i dënuar me nëntë vjet burg për krime ndaj shqiptarëve në Mitrovicë, si pjesë e formacionit “Rojet e Urës”, kanë këmbëngulur se Asociacioni duhet të formuar, ngaqë është mënyra më e mirë që të parandalohen pengesat për zgjidhjen e çështjes të rëndësishme për serbët në Kosovë.

© KOHA. Të gjitha të drejtat janë të rezervuara.