MFSK-ja krenohet se ka përmbushur bazën ligjore për ushtri

29 Dhjetor 2016 - 11:37      

Ministria e Forcës së Sigurisë së Kosovës ka arritur të përmbush si bazën ligjore ashtu edhe objektivat tjera për transformimin e saj nga FSK-së në FAK ka thënë ministri i FSK-së Haki Demolli.

Ai në konferencën e fundvitit ka thënë se “vetëm nevojitet vendimmarrja politike në Kuvend për transformimin në ushtri”.

Në këtë konferencë u fol për bashkëpunimin ndërkombëtarë, fuqizimin e sistemit të kontrollit, marrëveshjet bilaterale, pjesëmarrjen e pjesëtarëve të FSK-së nëpër ushtrime ushtarake, trajnime e seminare të ndryshme etj.

Derisa ministri ka folur për sukseset e këtij institucioni ka theksuar se për të pestën herë radhazi FSK është përzgjedhur si institucioni më i besueshëm.

E këtë vit FSK gjithashtu arriti të kursejë buxhetin e Kosovës në shërbime dhe mallra në rreth 7 milionë deri sa kjo shifër dy vite më parë ishte mbi 9 milionë euro.

© KOHA. Të gjitha të drejtat janë të rezervuara.