Ministrja Hoxha kërkon buxhet më të madh

27 Dhjetor 2016 - 21:12      

Ministrja e Drejtësisë, Dhurata Hoxha në Rubikon të KTV-së theksoi se ministrisë që ajo e udhëheq i duhet patjetër një buxhet më i madh.

Këtë ajo e arsyetoi edhe me numrin e madh të lëndëve dhe numrin e vogël të gjyqtarëve.

“Sundimi i ligjit duhet të jetë prioritet, jo vetëm prioritet në letër, por prioritet me të vërtet. Këtë vit kam arritur që të rritet buxheti për Ministrinë e Drejtësisë. Për një ministri si duhet, atëherë duhet të kemi më shumë. Ndoshta më mirë është ta lëmë një autostradë pa ndërtuar, e të kemi buxhet më të madh për drejtësinë”, ka thënë ajo.

“Duhet ta rrisim numrin e gjyqtarëve. Do të mundohem e do të loboj në rishikimin e buxhetit 2017, sepse ndryshe nuk mund ta bëj këtë”.

Emërimet të cilat përmenden më incizimet e aferës “Pronto” nuk janë kryer deri në fund.

Ministrja Dhurata Hoxha në Rubikon të KTV-së theksoi se po të bëhej një gazetari hulumtuese më e thellë atëherë do të kuptohej e vërteta e atyre incizimeve.

“Një gazetar hulumtues po të merrej shumë me këtë rast atëherë do ta kuptonte se ata persona qe kanë folur në telefon vërtet nuk i kanë marrë ato detyra”.
 

© KOHA. Të gjitha të drejtat janë të rezervuara.