Hoxha: E vërteta e VV-së për rastin Dehari është selektive

27 Dhjetor 2016 - 20:16      

E vërteta e Lëvizjes Vetëvendosje është selektive. Kështu u shpreh ministrja e Drejtësisë, Dhurata Hoxha në Rubikon të KTV-së.

Në një ndër intervistat e para të gjata mediale, Hoxha theksoi se Lvv nuk duhej të bazoheshin vetëm në dy deklaratat e para që janë lëshuar për rastin, por t’i përcjellnin hetimet në vazhdimesi.

“Pa marrë prasysh provat e faktet e reja, ka bërë një perceptim selektive, të vërteten e kanë selektive”, ka thënë ajo.

Hoxha tha se gjyqtari e kategorizon nëse ishte e drejtë që Dehari të qëndronte në atë dhomë apo të vendosej në një siguri të veçantë.

“Gjyqtari i rastit e kategorizon atë rast. Nuk është në kompetencën e drejtësisë nëse duhej të ishte aty i burgosuri apo jo, ndonëse i ndjeri ishte i paraburgosur”, theksoi ajo.

Po ashtu, Hoxha foli edhe rreth arrestimit të gjashtë aktivistëve të LVV-së, për çka theksoi se është interesuar ta kuptoj se pse disa prej tyre u lëshuan në shtëpi, e të tjerët u burgosën.

“Këtu pajtohem nuk është dashur të trajtohet në atë mënyrë, apo edhe pjesë tjetër e të dyshuarve për të terrorizëm, disa i kanë lëshuar në shtëpi, disa për paraburgim. Pra edhe për këtë jam interesuar që të gjithë të trajtohen njëjtë para drejtësisë”.

© KOHA. Të gjitha të drejtat janë të rezervuara.