Ferizajasit i pengon pluhuri dhe zhurma e “Tefik Çangës” [video]

27 Dhjetor 2016 - 19:22      

Tymi, pluhuri dhe zhurma janë bërë pjesë e përditshmërisë për banorët që jetojnë në afërsi të kombinatit të drurit “Tefik Çanga” në Ferizaj, transmeton Koha.net.

Banorët e rrugës “Isa Boletini” thonë se u është bërë e pamundur jetesa në këtë vend. Si pasojë e ndotjes, banorët ankohen edhe për probleme të shumta shëndetësore.

Banorët pohojnë se kanë qenë disa herë në komunë, duku u ankuar për nivelin e lartë të zhurmës e pluhurit por, sipas tyre, asnjëherë nuk janë marrë masa.
Por kryetari i Komunës së Ferizajt, Muharrem Svarqa, mohon që këta banorë të kenë qenë ndonjëherë në komunë.

Pavarësisht që shprehet i sigurt që asnjë njeri nuk rrezikohet nga ndotja, Svarqa premton që do të dalin në vendin e ngjarjes për ta vërtetuar këtë.

Ai këto shqetësime i quan të paarsyeshme. Televizioni ka provuar të kontaktojë edhe me pronarë të kësaj fabrike, mirëpo të njëjtit nuk kanë qenë të qasshëm.

Ferizajasit i pengon pluhuri dhe zhurma e... by kohanet

© KOHA. Të gjitha të drejtat janë të rezervuara.