Sivjet, pa rezultate në gjetjen e pagjeturve [video]

27 Dhjetor 2016 - 19:12      

Komisioni Qeveritar për të pagjeturit ka prezantuar punën e tij njëvjeçare, raporton KTV.

Pavarësisht punëve të bëra, Komisioni ka theksuar se fatkeqësisht nuk ia ka dalë t’i përmbushë pritjet që të ndikojë në zbardhjen e fatit të personave që mungojnë, raporton KTV.

Kryetari i këtij komisioni, Prenk Gjetaj, ka theksuar se gjatë këtij viti janë zhvilluar mbi 20 aktivitete të gërmimit në 16 lokacione në mbarë vendin.

Derisa janë bërë 60 ribashkime të mbetjeve mortore me trupat e varrosur më parë. Viti 2016, ndonëse nuk ishte vit i mbarë në gjetjen e personave që mungojnë, do të mbahet mend për deklaratën e ministres Edita Tahiri se çështja nuk u diskutua në Bruksel, pasi mungonin listat e të pagjeturve.

Por vetëm disa ditë më vonë, ajo mohoi atë që ua kishte thënë deputetëve, pasi tha qe u keqkuptua, pasi e kishte fjalë për listën me vendndodhjen e personave që mungojnë, e jo për atë se kush ishte i zhdukur.
Ndryshe, tash së fundi edhe Zyra e BE-së në Kosovës u ka bërë thirrje shteteve që të lënë lojërat politike dhe të punojnë për zbardhjen e fatit të të pagjeturve, pasi në këtë listë ende figurojnë edhe 1660 persona.

Sivjet, pa rezultate në gjetjen e pagjeturve by kohanet

© KOHA. Të gjitha të drejtat janë të rezervuara.