Pakënaqësitë e pensionistëve shtyjnë ministrinë të shqyrtojë opsionet për verifikim

27 Dhjetor 2016 - 07:04      

Ministria e Punës dhe Mirëqenies Sociale (MPMS) ka nisur shqyrtimin e mundësisë për eliminim të procedurave për lajmërim të pensionistëve çdo gjashtë muaj për të dëshmuar se ende janë gjallë.

Kjo ka ardhur pas shumë pakënaqësive që kanë shprehur pensionistët, si dhe përfaqësuesit e tyre lidhur me këtë procedurë, shkruan sot Koha Ditore.

E edhe Avokati i Popullit lajmërimin e pensionistëve për të verifikuar ekzistencën e ka cilësuar si shkelje të dinjitetit të tyre.

“Ministria e Punës dhe Mirëqenies Sociale është duke shqyrtuar opsione të ndryshme në mënyrë që të mund të eliminohet verifikimi i ekzistencës së pensionistëve përmes paraqitjes fizike”, thuhet në një përgjigje të Ministrisë për gazetën.

Ata kanë bërë të dituar se kanë nënshkruar disa marrëveshje dhe janë duke analizuar funksionimin e tyre. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.