Lekaj: Mustafës i dhëmb fort kur ia kritikon qasjen ndaj “shokëve” të tij andej kufirit

26 Dhjetor 2016 - 20:26      

Shefi i Grupit Parlamentar të AAK-së, Pal Lekaj, është kundërpërgjigjur sërish ndaj kryeministrit Isa Mustafa, që e krahasoi atë të një niveli me Marko Gjuriqin, e që tha se të dy shërbehen me gjuhë rrugaçësh.

“Isa Mustafa, me gjuhën e tij, se vetëm ajo i ka mbetë, po shihet që s'është i fuqishëm për të bërë asgjë për Kosovën, të vetmen ‘armë’ e ka Facebookun personal që e ka kthyer në portal zyrtarë të kryeministrisë prej ku ofendon kë do që ia thotë të vërtetën, s’ka si të jetë më keq e me rëndë për Kosovën”, ka shkruar Lekaj.

“Isa Mustafa, që është kthyer në një dry të izolimit të vendit, i dhëmb fortë kur ia kritikon qasjen ndaj ‘shokëve’ të tij andej kufirit. Me heqjen e këtij dryni, Kosovës i japim lirinë, mundësinë, vendin dhe vendimmarrjen për të ua kthejmë njerëzve të thjeshtë”, ka shtuar më tej ai.

Kujtojmë se ishte i pari Pal Lekaj që e quajti Mustafën “pulë deti” në qasjen e tij ndaj Serbisë.

© KOHA. Të gjitha të drejtat janë të rezervuara.