Murtezaj do unitet përball përpjekjeve të Serbisë për të ndërhyrë në Kosovë

26 Dhjetor 2016 - 20:09      

Zëvendësministri i Punëve të Jashtme i Kosovës, Valon Murtezaj, ka kërkuar nga opozita e Kosovës që të jetë unike me institucionet e Kosovës përball përpjekjeve të Qeverisë së Serbisë për ndërhyrje në punët e vendit tonë.

Ai po ashtu ka kërkuar nga serbët e Kosovës që punët e tyre t’i kryejnë në Prishtinë, e jo në Beograd, duke iu referuar takimit që ata patën sot në Beograd me kryeministrin e Serbisë, Aleksandër Vuçiq dhe me shefin e të ashtuquajturës Zyrë për Kosovën në Qeverinë e Serbisë, Marko Gjuriq.

“Përballë përpjekjeve direkte të Qeverisë së Serbisë për ndërhyrje në punët e Kosovës, institucionet e Republikës së Kosovës, dhe opozita duhet të qëndrojnë unik. Poashtu përfaqësuesit e serbëve në Kosovë duhet ta kuptojnë që në Prishtinë kryhen punët”, ka thënë Mutrzeaj, raporton Koha.net.

“Beogradi as nuk do të pyetet dhe as dëgjohet asnjëherë, se kush dhe çfarë duhet të bëjë në Kosovë”, ka theksuar ai.

© KOHA. Të gjitha të drejtat janë të rezervuara.