Molliqaj: Durimi i Mustafës është bërë i padurueshëm

26 Dhjetor 2016 - 16:38      

Dardan Molliqaj, sekretar organizativ i Lëvizjes Vetëvendosje ka thënë se durimi i Isa Mustafës është bërë i padurueshëm. E ka shprehur bindjen se viti 2017 do të jetë vit i padurimit qytetar me durimin rrënues të tij.

“Isa Mustafa sot paska thënë që e ka duruar deri tash ministrin Mariq, veç pse është serb”, ka shkruar Molliqaj. Sipas tij, në fakt, gjatë tërë qeverisjes së tij Mustafa duroi shumë.

Lexo edhe: Mustafa: Po të ishte Mariqi shqiptar do ta shkarkoja moti

Ka numëruar:

- E duroi Listën Serbe në cënim të sovranitetit, veç pse është e Vuqiçit,

- E duroi Kadri Veselin që sipas tij i ka duart me gjak, veç pse ai është shef i SHIK-ut,

- E duroi Hashim Thaçin president, veç për me mbetë vetë kryeministër,

- I duroi djemtë e tij me marrë tenderë të shtetit dhe terminale, veç pse i ka djem,

- E duroi Margarita Kadriun me marrë terminal, veç pse ajo ia ka bë Thaçin President,

- E duroi murin në Mitrovicë, vetëm pse e ndërtuan strukturat paralele të Serbisë...

“Ky është kryeministër impotent, që duron gjithçka vetëm për të mbetur kryeministër. Por durimi i tij është bërë i padurueshëm. Viti 2017 do të jetë vit i padurimit qytetar me durimin rrënues të Isa Mustafës”.

Lexo edhe: Lekaj e quan Mustafën pulë deti që ndaj Serbisë s’i dëgjohet zëri

© KOHA. Të gjitha të drejtat janë të rezervuara.