Parlamentarët pajtohen se muri duhet rrënuar, por s’ka asnjë rezultat [video]

24 Dhjetor 2016 - 19:02      

Kreu i Mitrovicës së Jugut, Agim Bahtiri, i ka quajtur të pamatura, të tmerrshme dhe të pavërteta deklaratat e bashkëqytetarit të tij, Kadri Veseli, i cili tha se Bahtiri ka bërë marrëveshje me Goran Rakiqin për murin në Mitrovicë.

Bahtiri ka thënë se kjo është e pavërtetë dhe se asnjëherë nuk ka bërë dhe s’do të bëjë një marrëveshje të tillë, raporton KTV.

Muri sipas tij, është në një pjesë e qytetit ku ai nuk ka kompetenca, derisa thotë se nuk e ndal kreun e PDK-së që ta prishë këtë mur.

Deklaratat e Kadri Veselit në këtë kohë sipas kryetarit Bahtiri, kanë ardhur pas koalicionit me Vetëvendosjen në nivel komunal në Mitrovicë.

Në seancën e së premtes, kreu i legjislativit, Kadri Veseli, ka akuzuar kryetarin e Komunës së Mitrovicës së Jugut, Agim Bahtiri për marrëveshje me Goran Rakiqin, transmeton Koha.net.

Ai ka përmendur edhe një paraqitje publike të tij, më 9 dhjetor, kur kishte thënë, siç tha Veseli, se kanë bërë marrëveshje fenomenale për murin me shkallë 80 centimetra. 

© KOHA. Të gjitha të drejtat janë të rezervuara.

Parlamentarët pajtohen se muri duhet rrënuar... by kohanet