Mustafa pranon se Telekomi nuk i ka 30 milionë euro ta paguajë dënimin

24 Dhjetor 2016 - 00:12      

Si pasojë e vendimit Tribunalit të Arbitrazhit, PTK-ja është detyruar që t’i paguajë Z-Mobiles 26.1 milionë euro, por shtuar shpenzimet tjera të gjykimit, atëherë kap vlerën 30 milionë euro.

Kjo shifër, sipas Agron Mustafës, drejtor menaxhues i Telekomit, është e pamundur të paguhet tash për tash, transmeton Koha.net.

“30 milionë euro për Telekomin e Kosovës për sot është e pamundur që të paguhen. Vendimi thotë se hyn në fuqi menjëherë”, ka thënë Mustafa në “Interaktiv” të KTV-së.

Mustafa ka thënë se do të ishte e mirëseardhur që Qeveria e Kosovës, aksionar i plotë, t’i kthejë disa para në PTK për këtë kohë të vështirë, por që do t’i kthehen përsëri.

© KOHA. Të gjitha të drejtat janë të rezervuara.