Pajaziti: Kërkojmë rrënimin e murit dhe transparencë nga Tahiri e Mustafa

23 Dhjetor 2016 - 17:55      

Zenun Pajaziti, në emër të Grupit Parlamentar të PDK-së, ka kërkuar që muri në Mitrovicë, i ndërtuar menjëherë në fillim të pjesës veriore, të rrënohet menjëherë dhe se ai mur nuk duhet të jetë aty.

“Muri duhet të rrëzohet menjëherë. Përveç urës mos të ketë asgjë dhe të ketë lëvizje të lirë”, ka thënë Pajaziti, transmeton Koha.net.

Mungesa e informatave për këto zhvillime, ka qenë një çështje tjetër që ngriti Pajaziti, i cili ka thënë se kanë qenë të befasuar kur kanë parë se çka ka ndodhur. Për këtë ai kërkoi përgjigje nga kryeministri Mustafa dhe ministrja Tahiri nëse kanë qenë në dijeni.

Kur ka folur për BE-në, ai ka thënë se nuk duhet keqpërdorur mirëbesimi i kosovarëve në disa raste.

© KOHA. Të gjitha të drejtat janë të rezervuara.