Lista Serbe kthehet në Kuvend, kërkon themelimin e Asociacionit

23 Dhjetor 2016 - 06:29      

Deputetë të Listës Serbe i kanë dhënë fund bojkotit disamujor duke u rikthyer në Kuvendin e Kosovës. Por jo të gjithë e kanë bërë një gjë të tillë, duke rikonfirmuar përçarjet brenda këtij subjekti, pas shkarkimit të ministrit Ljubomir Mariq, shkruan sot Koha Ditore.

Shefi i Grupit parlamentar ka dalë në foltoren e Kuvendit për t’i treguar arsyet e kthimit. Kjo ndodhi, edhe pse me shumicë votash u vendos që të hiqen nga rendi i ditës deklarimet jashtë rendit të ditës dhe pyetjet parlamentare, për shkak të miratimit të buxhetit, në të dy leximet.

Simiq ka sqaruar se grupi që ai përfaqëson përbëhet prej 9 deputetëve, e jo 11 sa kanë qenë deri më tani. Sipas tij, Nenad Rashiq dhe Adem Hoxha janë përjashtuar nga ky grup për shkak të “krizës politike brenda Listës Serbe”. Ndërkaq rikthimin në Kuvend ka thënë ta kenë bërë me bekimin e kryeministrit serb, Aleksandër Vuçiq.

(Artikullin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.