Për përçarjen e tyre në Kosovë, serbët fajësojnë Vulinin

22 Dhjetor 2016 - 22:25      

Zëvendëskryeministri i Kosovë, Branimir Stojanoviq, ministri për Komunitete e Kthim, Dalibor Jevtiq dhe ish – ministri i MAPL-së Lubomir Mariq kanë kumtuar sot se nëse Aleksandar Vulin nuk është urdhërdhënës i kthesës kundër serbe në Kosovë, duhet që nga Lëvizja Socialiste të përjashtojë aktorët e përçarjes së bashkimit kombëtar serb, transmeton Koha.net.

Për fat të keq, kanë thënë ata, në një moment vendimtar Vulin ka treguar fytyrën e vet të vërtetë dhe ka konfirmuar për aleancën që partia e tij në Kosovë e ka bërë me Isa Mustafën, përcjell FoNet kumtesën e tyre.

Sipas tyre, një grup i vogël i kukullave të tij politike në Kosovë, nuk do të guxonte të sulmonte Listën Srpska dhe Partinë përparimtare serbe pa përkrahjen dhe sigurinë e tij se kjo nuk do të ndëshkohet.

Ata theksojnë se në vend që të distancohet nga problemet që vetë i ka bërë, Vulin duhet të shikohet në pasqyrëdhe të mendojë mirë nëse e meriton të quhet ministër serb.

© KOHA. Të gjitha të drejtat janë të rezervuara.