Veseli: Nuk kam dyshuar kurrë në fitore në Drenas [video]

22 Dhjetor 2016 - 20:15      

Kryetari i Kuvendit të Kosovës dhe PDK-së, Kadri Veseli në “Rubikon” të KTV-së sonte ka folur për zgjedhjet në Drenas.

Zgjedhjet në Drenas kanë qenë një test i mirë për demokracinë, transmeton Koha.net.

“Janë dy momente të rëndësishme prej të cilave kemi dalë në Drenas. Është një se në Drenas mbahen zgjedhje të lira e demokratike, një proces fer dhe pa asnjë kontestim dhe në anën tjetër kemi një fitore të PDK-së, të pakonsoliduar, një vend i jashtëzakonshëm me njerëz të jashtëzakonshëm”, ka thënë Veseli , teksa e ka konsideruar bastion Drenasin, përkundër fjalëve të opozitës se tashmë nuk ka bastione.

Ai ka thënë se nuk ka dyshuar kurrë në fitore.

“Asnjëherë nuk kemi pasur dyshim në fitoren tonë. Ajo që ka shkuar më së shumti në rregull janë zgjedhjet demokratike. Asnjë moment nuk e kam pas dilemën se nuk do të fitojmë bindshëm në PDK-në. Ajo që ishte e dhimbshme ishte dënimi i ish kryetarit, proces politik që na ka prek të gjithëve”, ka shtuar Veseli.

Zgjedhjet, sipas Veselit, kanë qenë proces politik tërësisht i imponuar.

© KOHA. Të gjitha të drejtat janë të rezervuara.

Kadri Veseli në Rubikon - KTV by kohanet