A mund të ndodhë vettingu i Shqipërisë në Kosovë [video]

22 Dhjetor 2016 - 19:36      

Gjykata më e madhe në vend, ajo e Prishtinës, ka prezantuar raportin vjetor të punës, ku theksohet se janë kryer 159 mijë lëndë, ndërsa ka pranuar rreth 160 mijë të reja, raporton KTV.

Hamdi Ibrahimi, kryetar në largim, ka thënë se frikësohet se vendi do të shkojë drejt një procesi që po ndodh në Shqipëri, vettingu, për çka ka thënë se shpreson se nuk do të ndodhë edhe këtu.

Ai nuk ka folur shumë për konkursin për kryetar, por tha se ndoshta moszgjedhja i ka bërë nder atij.

Ibrahimi ka përmendur edhe problemet e zakonshme, me të cilat vazhdojnë të përballen, si mungesa e gjyqtarëve dhe e stafit administrativ.

Departamenti i Krimeve të Rënda, këtë vit, ka arritur të zgjidhë 645 lëndë, e do t’i mbesin edhe 2200 të tjera të pazgjidhura.

© KOHA. Të gjitha të drejtat janë të rezervuara.