Muja: Në Drenas nuk ka pasur investime qe 70 vjet

22 Dhjetor 2016 - 15:41      

Deputeti Shaip Muja ka kërkuar që Komunës së Drenasit t’i ndahen 1 milion euro, pasi sipas tij, në këtë komunë nuk ka pasur investime qe 70 vjet.

Ai ka deklaruar se sektori i shëndetësisë ka buxhet më të vogël për vitin e ardhshëm ndërsa sipas tij kërkohet kualitet më i madh.

“Unë nuk e e kam të qartë se si do të mblidhen sigurimet dhe si do të shpërndahen. Sistemi i informimit shëndetësor nuk është funksional, prandaj, ky nuk garanton sigurim shëndetësor. Unë po besoj që shëndetësia në vitin e ardhshëm do të jetë në kaos. Mënyra e menaxhimit të shëndetësisë është shumë shqetësuese”, tha Muja, transmeton Kosovapress.

Sipas tij një shtet që nuk investon në shëndetësi dhe arsim, ai shtet nuk mund të bëjë as polici as ushtri.