OEK dhe OES bisedojnë për zhvillimin ekonomik në Luginë

21 Dhjetor 2016 - 20:29      

Kryetari i Odës Ekonomike të Kosovës Safet Gërxhaliu, ai Odës Ekonomike të Serbisë Marko Çadezh sot në Bujanoc janë takuar me zyrtarë të Luginës së Preshevës dhe kanë biseduar për zhvillimin ekonomik në këtë rajon, Koha.net.

Kryetari i komunës së Bujanocit Shaip Kamberi me këtë rast ka theksuar se Bujanoci e Presheva kërkojnë më shumë vëmendje nga shtete në mënyrë që dy këto dy komuna të zhvillohen mjaftueshëm, përcjell FoNet.

Shqiprim Arifi, kryetar i Preshevës ka thënë se pas këtij takimi pret përmirësimin e punës në koordinimin e odave ekonomike të Serbisë e të Kosovës dhe të ekonomistëve nga këto dy vende, dhe, sipas tij, për të tejkaluar edhe problemet ndërmjet Beogradit e Prishtinës.

Kryetari i Odës Ekonomike të Kosovës Safet Gërxhaliu theksoi se takimi i mbajtur ka rëndësi pasi ai po zhvillohet në kohë jo zgjedhjesh e fushatash politike, ndërsa këtu jemi për të ofruar partneritet e dialog.

“Edhe për Kosovën e edhe për Serbinë ekziston armiku i përbashkët, e ai është shkalla e papunësisë, dhe rrita e vogël ekonomike”, tha Gërxhaliu.

Kryetari i Odës Ekonomike të Serbisë Marko Çadezh tha se Oda Ekonomike Serbisë do ta hapë e vet në Preshevë ndërsa ajo në Bujanoc do të përforcohet.

© KOHA. Të gjitha të drejtat janë të rezervuara.