Vlerësohet ndihma e dhuruesve në SHSKUK [video]

21 Dhjetor 2016 - 19:26      

Të prekura nga një sëmundje e rëndë dhe të sfiduara me luftën kundër saj, gratë me kancer të gjirit përballen edhe me ndryshime të mëdha fizike.

Rrëfimi i një nëne që po e kuronte vajzën në Institutin e Onkologjisë, e cila kishte humbur flokët, për shkak të terapisë, e kishte prekur shumë Nerxhivane Feratin, një qytetare që jeton në Zvicër.

Ajo u organizua për të blerë paruke dhe duke shitur ushqime tradicionale, siguroi 120 sosh, të cilat i ka sjellë si donacion në Kosovë.

Ndonëse Instituti i Onkologjisë ka pasur një vit më të mirë sa i përket furnizimit, donacionet janë shumë të rëndësishme.
Një ditë më parë, SHSKUK-ja ka pranuar të tjera ndihma prej mijëra eurosh, të cilat këtij shërbimi i kryejnë shumë punë, për shkak të pamundësisë për të mbuluar nevojat që ka.

Drejtuesi i institucionit më të madh shëndetësor në vend ka pranuar për KTV-në se për shkak të kufizimeve buxhetore, shpesh varen nga njerëz të vullnetit të mirë.

Vlerësohet ndihma e dhuruesve në SHSKUK by kohanet

© KOHA. Të gjitha të drejtat janë të rezervuara.