Pajaziti: Dëshirojmë të sqarojmë çdo detaj në lidhje me vdekjen e Deharit

20 Dhjetor 2016 - 10:29      

Zenun Pajaziti, shef i Grupit Parlamentar të PDK-së, ka thënë para deputetëve se asnjëherë nuk është mirë të debatohet në Kuvend për raste të këtilla.

Ai tha se ndonëse më parë edhe Lëvizja Vetëvendosje kishte kërkuar që të mbahej një seancë e këtillë, kjo nuk ishte aprovuar pasi që “kemi pritur një raport zyrtar në lidhje me vdekjen e Deharit”, raporton Koha.net.

Pajaziti tha se janë të interesuar të zbulojnë të gjitha detajet në lidhje me këtë rast tragjik.  

“Ne jemi të prirur t’i besojmë ekspertëve të institucioneve të Republikës së Kosovës, por ne jemi të gatshëm të pajtohemi që të kemi edhe një super-ekspertizë nëse kërkohet nga deputetët e Kuvendit, në mënyrë që të sqarohet njëherë e mirë ky rast për gjithçka që e ka shtyrë Astrit Deharin të ishte aty dhe të vinte deri tek ai akt”, theksoi shefi i GP të PDK-së, Zenun Pajaziti.

© KOHA. Të gjitha të drejtat janë të rezervuara.